Albisteak

Elikak pentsuen garraioaren higieneari buruzko informazio-orri bat sortu du. Horren bidez, era grafiko eta errazean, beharrezko informazioa ematen da lehengai eta pentsuen garraiolari batek jarraitu beharreko higiene-jarraibideen inguruan.

Gainera, dokumentuak informazio interesgarrirako (higieneko esku-liburuak, erregistro-eskabidearen eredua, legeria, etab.) esteka zuzenak ematen ditu, baita trazabilitateari buruzko informazio zehatza ere.

Informazio-orria

Ministroen Batzordeak Errege Dekretu bat onetsi du, sendagai-pentsuak ekoizteari, merkaturatzeari, erabiltzeari eta kontrolatzeari buruz indarrean dagoen araudia aldatzen duena. Gainera, pentsuak merkaturatu eta erabiltzeko araudi erkidea ezartzeko neurriak xedatzen ditu dekretuak.

Araudi Erkidearen definizio berrietara egokitze aldera, “bitarteko sendagai-pentsu”-aren definizioa aldatu da: baimendutako aldez aurretik egindako sendagai-nahasketen diluzioan erabil daitezkeen pentsu-motak argi eta garbi mugatu dira.

Halaber, animalia-jatorria ez duten pentsuen inportazio-prozedura arindu da, eta horretarako sarrera-dokumentuaren eredu bakarra ezarri da.

Kontsumitzailea gero eta arduratuago dago elikagaien segurtasunarekin. Gai horrek hainbat tweet, post, blog eta iritzi-artikulu eragiten ditu gizarte-sareetan eta interneten, prentsa idatzian zein buletin digitaletan. Halaber, aipatzekoa da administrazioarentzat eta elikagaien segurtasunaren kudeaketan lan egiten duten guztientzat duen garrantzia. Hain zuzen ere, horientzat guztientzat sortu da lanabes hau.

Helburua informazioa errazago bilatzea eta internauta-komunitatearen egoera zein den ikustea da, eta hori guztia plataforma bakar baten bidez egingo da.

ELIKAk -Nekazaritzako Elikagaien Segurtasunerako Euskal Fundazioa- zenbait komunikatzailerekin hitz egin du, lan-tresna eraginkor eta dinamikoa diseinatze aldera. Asmoa, gainera, egunez egun hobetzea da.

Plataforman honako hauek aurkitu ahal izango dituzu:

• Metabilatzailea: elikagaien segurtasunari lotutako hitzak bilatzeko
• Elikagaien Segurtasunari buruzko “Laburrak”: Oinarrizko kontzeptuen deskribapen laburrak dira, komunikatzaileak aintzat hartu beharrekoak Elikagaien Segurtasunari buruzko informazioa lantzean.
• Azken berriak: Agentzia/organismo ofizialetatik (ELIKA, AESAN, EFSA…) datozen azken orduko berriak.
• “Nor da nor”: Elikagaien Segurtasunaren esparruan lan egiten duten erakunde, administrazio eta bestelako nagusien mapa.
• Twitter modulua: gizarte-sareen egoera ezagutzeko tresna.
• Nora jo?: Eusko Jaurlaritzako prentsa-ordezkarien zerrenda.

Plataformarako sarbidea: komunikazioa.elika.net

ELIKAk azterlan bat egin du euskal kontsumitzaileek Elikagaien Segurtasunaz duten pertzepzioari buruz.

Horretarako, 2012ko urtarrilean eta otsailean inkesta egin zen Erkidegoko 1.215 biztanlerekin. Helburua zen informazio baliagarria eskuratzea Elikagaien Segurtasun arloko ohitura, pertzepzio eta balorazioei buruz.

Honako hauek dira azterlanaren bidez lortutako emaitza esanguratsuenak:

• Euskal gizartearen % 82,4k dio konfiantza nahikoa edo handia duela erosten dituen elikagaietan, eta elikagaiek ez dutela arriskurik eragiten euren osasunean.
• % 52,4k uste du Elikagaien Segurtasunak hobera egin duela orain dela 10 urteko egoeraren aldean (% 30,3k uste du berdin jarraitzen duela).
• Kontsumitzaileen kezkak direla-eta honako hauek azpimarratu dira: animalia-haragian sendagaiak edo hormonak egotea, frutetan pestizidak egotea, animalien elikadura edo behi eroen gaixotasuna zein hegazti-gripea bezalako gaitzak.
• % 67,5 prest dago gehiago ordaintzeko ingurumena eta animalien ongizatea zaintzen dituen produktuaren truke.
• % 73,6ren ustez, elikagai ekologikoak askoz ere seguruagoak dira produktu arruntak baino, nahiz eta % 42,5ek bakarrik kontsumitzen dituen noizean behin.
• Azkenik, galdetutako hirutik bik (% 67,1) uste dute euskal agintariek arin jarduten dutela (% 20,3k "ez daki") herritarren osasunerako kaltegarria den elikadura-arriskuren bat atzematen denean.

Txosten osoa hemen aurkitu dezakezu