Albiste guztiak
| 14/03/2012 · Iturria: MAGRAMA/OIE/CE |
Andaluziako Autonomia Erkidegoko albaitaritza zerbitzuek baieztatu egin dute Schmallenberg gaixotasuna atzeman dutela Hinojosa del Duque eskualdeko (Kordoba) ardi- eta ahuntz-aziendaren ustiategi batean.
Ardi batek jaiotzetiko malformazioak -gaixotasun honekin bateragarriak- zituen kumea galdu ostean, albaitaritza zerbitzu ofizialei jakinarazi zitzaien. Horiek analisiak egin eta baieztatu egin zuten Schmallenberg gaixotasuna zela.
Beraz, gaixotasun horren inguruan Espainian atzematen den lehenengo kasua dugu. Europar Batasunean, besteak beste, honako herrialde hauetan atzeman dute gaixotasuna: Belgika, Alemania, Italia, Luxenburgo, Holanda, Frantzia eta Erresuma Batua (Klikatu herrialde bakoitzean, egoerari buruzko txostena irakurtzeko) MAGRAMAren jakinarazpena
OIEren jakinarazoena |
|
|
| 13/03/2012 · Iturria: ELIKA |
p>ELIKAk, Nekazaritzako Elikagaien Segurtasuneko Euskal Agentziak, Enpresaren Gizarte Erantzukizunari (RSE) buruzko bere lehenengo txostena argitaratu du. Txostena egiteko, Global Reporting Iniciative (GRI) metodologian oinarritu da. ELIKAk bere inguruarekin hartu duen konpromiso handienetako bat Enpresaren Gizarte Erantzukizunaren (RSE) gainekoa da. ELIKA fundazio publikoa da, eta badakigu erantzukizun etikoa eta morala dugula euskal gizartearen aurrean. Gardentasuna da gure premisetako bat, eta horren ildotik txostenean 2011. urteko gizarte eta ekonomia arloko datuak zehaztu ditugu, nahi duenak kontsulta ditzan. RSE txostena |
|
|
| Iturria: ELIKA |
Gaurtik aurrera ikus daitezke aurreko martxoaren 7an Bilbon izan zen "Klima aldaketak Elikagaien Segurtasunean duen eragina" jardunaldiaren aurkezpenak. Aurkezpenak |
|
|
Abeltzaintzaren albisteak
| 23/05/2013 · Iturria: CE |
Elikan RASFF eta RASVE Alerta Sareen txostenak egin ditugu, animalien elikaduraren, elikagaien eta animalien gaixotasunen inguruan 2013ko lehenengo lauhilean Europan egindako jakinarazpenen laburpenekin: - RASVE Animalien gaixotasunen txostena
- RASFF Elikagaien txostena
- RASFF Animalien Elikaduraren txostena
Gure web-aren Alertak Jakinaratzea atalean aurkitu ditzakezu. |
|
|
| 22/05/2013 · Iturria: MAGRAMA |
Patogenotasun Eskaseko Hegazti-gripearen fokua Espainian Lleidako haragitarako oiloen ustiategi batean 12.000 hegazti baino gehiago hil behar izan dituzte, Patogenotasun Eskaseko Hegazti-gripearen (PEHG) fokua atzeman baitute. Ustiategiko albaitariak fokua zegoela susmatu ostean, legeriak ezartzen duen jarduera-protokoloari jarraikiz, kaltetutako ustiategia geldiarazi egin zen, bai eta 3 km-ko inguruan zeuden ustiategiak ere. Azken horiei dagokienez, ustiategi bakarra izan zen, eta gerora aztertutako laginetan negatiboa eman zuen. Honako hauek izan ziren atzemandako lehenengo sintomak: - Pentsu-kontsumoaren % 50eko murrizketa.
- Ur-kontsumoaren % 10eko murrizketa.
- Depresio nabarmena. • Beherakoa.
- Lau egunetan errunaldiaren % 30eko murrizketa.
- Sei egunetan, batez beste, % 1eko heriotza-tasa (133 hegazti hil eta gutxi gorabehera 2.000 kaltetu).
Maiatzaren 16an (osteguna) Algeteko Albaitaritzako Laborategi Zentralak egiaztatu egin zuen hegazti-gripearen A birusa zela, H7N1 azpimota, eta ukatu egin zuen Patogenotasun Altuko Hegazti-gripea zenik. Egun berean, inkesta epidemiologikoa egiten hasi ziren, jakitearren zein izan zitekeen fokuaren jatorria eta zein ustiategi egon zitekeen arriskuan:hegazti bizien mugimenduak, arrautzak eta ibilgailuak, bai eta ibilgailu horiekin kontaktua izan duten abeltxeen kontrola ere. Maiatzaren 17an (ostirala) kaltetutako ustiategiko 13.000 hegazti inguru hil zituzten, eta txitatzeko150.000 arrautza, gorpuzkiak eta birusa garraia zezaketen gainerako gai kutsagarriak suntsitu zituzten. MAGRAMAren berria Elikaren fitxa Hegazti-gripeari buruz |
|
|
| 17/05/2013 · Iturria: CE |
Datozen asteetan, Europako Batzordeak (EB) onetsi egingo du neonikotinoideen familiako 3 plagiziden erabilera (clotianidina, imidacloprid eta tiametoxam) 2 urteko epean murrizteko proposamena. Erabaki hori Elikagaien Segurtasuneko Europako Erakundeak (EFSA) eginiko zientzia-txosten baten ondorio da. Txosten horretan “arrisku akutu handi”-tzat jotzen dira erleentzat, batetik, plagizida horien hautsarekiko esposizioa zenbait uztatan (artoa, laboreak eta ekilorea) eta, bestetik, plagizida horien hondakinekiko esposizioa hainbat uztatako polen edo nektarrean (koltza, ekilorea edo artoa). Honako hauek dira Batzordeak estatu kideei eginiko proposamenaren puntu nagusiak: - Hiru neonikotinoideren erabilera(clotianidina, tiametoxam eta imidacloprid) murriztea haziak tratatzeko, lurrean aplikatzeko (pikorrak) eta erleentzat erakargarriak diren landareen hostoak eta laboreak tratatzeko.
- Gainerako erabilera baimenduak profesionalentzat baino ez xedatzea.
- Salbuespenak honako hauetara mugatuko dira: erleentzat erakargarriak diren uztetan erabili ahalko dira negutegietan eta aire zabaleko zelaietan, baina soilik loratu ostean.
- Murrizketak 2013ko abenduaren 1etik aurrera aplikatuko dira.
- Informazio berria eskura izatean, eta gehienez ere 2 urteko epean, Batzordeak gainbegiratu egingo ditu 3 neonikotinoideak onesteko baldintzak, betiere aintzat hartuta zientzia- eta teknika-aurrerapenak.
Informazio gehiago- EFSAren txostena |
|
|
| 09/05/2013 · Iturria: MAGRAMA |
Ortzadar-amuarrainaren parasito berri bat 2011. urtearen amaieran, ordura arteko arrain-gaixotasun ezagunekin bateragarria ez zen koadro klinikoa atzeman zuten Suediako ortzadar-amuarrainen abeletxe batean. Animaliek orban beltzak zituzten isats-hegalaren barnealdean, burezurra puztuta (burezur barneko presioa handitzearen ondorioz), eta bizkarraldeko hezur-muskulaturaren nekrosi handia. 2012. urtearen hasieran, azterketa epidemiologikoa egiten hasi ziren. Kaltetutako abeletxeko arrainei zein eremu bereko beste abeletxe batzuetako arrainei laginak hartu zizkieten, bai eta basa-arrainei ere. Azterketak agerian utzi zuen parasito berri bat zela eta beste ortzadar-arrain batzuetara transmititzeko gaitasuna zuela. Gaur egun arte, kaltetutako abeletxean baino ez da atzeman patogeno berria; baina, basa-arrainetan egindako azterketaren emaitzen zain daude, zehazte aldera parasitoa Estatu Batuetako arraben bidez sartu ote zen. Hain zuzen ere, horixe da orain arteko hipotesi onargarriena, edo arrainak ur kontinentaletan kutsatu zirela, gordailu basatien bidez. Suediako Erreferentziazko Laborategi Nazionala (SVA) parasitoa karakterizatzen eta parasito atzemateko PCRa egiten ari da orain. |
|
|
Animalien Elikagaien albisteak
| 12/04/2013 · Iturria: EFSA |
Animaliak elikatzeko gehigarrien eta produktuen EFSAko adituen panelak (FEEDAP) dio L-zistina gehigarria eraginkorra dela, animalia espezie guztientzat sufrea duten aminoazidoen betekizunak zati batean betetzen baititu. Europako Batzordeak hala eskatuta, FEEDAPek zientzia-irizpena eman du animalia espezie guztientzako L-zistinaren inguruan. Honako hauek dira irizpenaren ondorio nagusiak: - L-zistina aminoazidoa segurua da animalia espezie guztientzat, baldin eta sufrea duten aminoazidoetarako betekizunak errespetatu egiten badira.
- Segurua izateko, dietari gehitu ahal zaion gehienezko L-zistina kopurua sufrea duten beste aminoazido batzuen kopuruaren araberakoa izango da.
- Gehitutako L-zistina ez da animalien ehunetan metatzen; izan ere, gorputzeko proteinei gehitzen zaizkie edo metabolizatu eta iraitzi egiten dira.
- Gehigarriak ez du substantzia toxikologikorik. Hortaz, animalientzako elikagaietan L-zistina erabiltzea ez da arriskutsua kontsumitzaileen segurtasunerako.
- Zentzuzkoa litzateke onartzea azalaren, begien eta arnas-traktuaren esposizioa arriskutsua dela; izan ere, EFSAren arabera, nahiko daturik ezean, L-zistina narritagarritzat jo behar da azal, begi eta muki- mintzetarako, bai eta azal- sentsibilizatzaile posibletzat ere.
- Azkenik, L-zistina aminoazidoa pentsuetan gehigarri gisa erabiltzea ez da arriskutsua ingurumenarentzat.
Zientzia-iritzia: L-zistina |
|
|
| 25/03/2013 · Iturria: CE |
EBk erabaki du merkaturik baztertzea pentsuetarako 1.200 gehigarri inguru, substantzia aromatizatzaile eta zaporetzaile gisa zehaztutakoak. Salbuespena izan dira animalia-espezie jakin batzuekin edo animalia-espezieen kategoria jakin batzuekin erabiltzeko baimen-eskaerak aurkeztu dituzten gehigarriak. Erabaki hori Europar Batzordea (EB) egiten ari den berrikuste-prozesuaren baitan hartu da; zehazki, animalia-elikaduran erabiltzen diren gehigarriak aztertzen ari dira, bermatze aldera horiek modu seguruan eta egokian erabiltzen direla. Horretarako, EB 1831/2003 Araudiak ezarritako prozedura erabiltzen ari da. Araudi horrek araupetzen du animalien elikaduran gehigarriak erabiltzea eta baimena emateko arrazoiak eta prozedurak. Zehazki, 10. artikuluan xedatzen dira ezarpenok (baimendutako gehigarriak berrikusi beharra ezartzen du). Bk 2013ko martxoaren 14ko 230/2013 zenbakiko Exekuzio Araudiaren bidez eman du “substantzia aromatizatzaileak eta zaporetzaileak” taldeko pentsuetako gehigarri batzuk baztertzeari buruzko erabakiaren berri. Baimendu gabeko 1.200 gehigarriak aipatutako araudiaren eranskinean zehazten dira. |
|
|
| 20/02/2013 · Iturria: DDEI-GV |
Eusko Jaurlaritzako Garapen Ekonomikoa eta Berrikuntza Sailak duela gutxi argitaratu du pentsuen etiketatuari buruzko gidaliburuaren bertsio berria. Horretarako, pentsuak merkaturatzeari eta erabiltzeari buruzko 767/2009 Araudian oinarritu da. Bertsio horretan legedia berriko baldintzak sartu dira, bai eta aipatutako araudiari eragiten dioten berrikuntzak ere. Halaber, enpresek etiketen autoebaluaziorako erabil dezaketen checklistaren bertsio berria ere gehitu da. Azkenik, bertsio horrek eguneratu egin du 767/2009 araudiaren interpretazio edo aplikazioaren inguruko galderei emandako erantzunen atala (05 kapitulua). 05 kapituluan biltzen diren erreferentziak MAGRAMAren animalien elikaduraren arloko Koordinaziorako Batzorde Nazionalak egindako Dokumentutik hartu dira (2012ko urriaren 9a). Gidaliburua: pentsuen etiketatua (2013ko otsaila) |
|
|
Elikagaien industriaren albisteak
Nekazaritzaren albisteak
| 02/04/2013 · Iturria: MAGRAMA |
Hori da 2012an zehar fruta freskoaren etxeko kontsumoari buruz MAGRAMAk argitaratutako azterlanaren ondorioetako bat. Beste datu batzuen artean, honako hauek dira nabarmentzekoak: - Iazko per capita kontsumoa 103,78 kilokoa izan zen pertsonako eta urteko. 2011n, berriz, 101,46 kilo izan ziren.
- Laranja, platanoa, sagarra eta meloia dira Espainiako etxeetan presentzia handiena izan duten frutak.
- Etxeetan elikadurara bideratutako aurrekontuaren % 9,19 fruta freskoa erosteko erabili zen. Batez bestekoa, pertsonako eta urteko, 134,89 eurokoa izan zen.
- Autonomia-erkidegoka, 2012an Gaztela eta Leonen, Nafarroan eta Kantabrian kontsumitu zen fruta fresko gehien. Gutxien, berriz, Balear eta Kanariar uharteetan.
- Fruta fresko gehien kontsumitzen dituztenen profila: pertsona helduak seme-alabarik gabeak; urtean, batez beste, 219,74 kilo/pertsona (+115,96 kilo/pertsona/urte gehiago batez besteko nazionala baino).
- Fruta fresko gutxien kontsumitzen dituztenen profila: seme-alaba txikiak dituzten bikoteak eta adin ertaineko seme-alabak dituzten bikoteak; 55,18 kilo/pertsona/urte eta 66,8 kilo/pertsona/urte, hurrenez hurren.
Txostena: Fruten kontsumoa 2012an |
|
|
Orokorrak
| 24/04/2013 · Iturria: AESAN |
AESANek jakinarazi du SINGLU markako zenbait produktuetan, aitortu gabeko proteina lakteoa atzeman dela. Horren ondorioz, produktu horiek arazoa eragin dezakete, bakar-bakarrik, proteina horrekiko alergia duten pertsonetan. Tartean dauden produktuak honako erkidego hauetan saldu dira:- Euskal Herria
- Andaluzia
- Aragoi
- Kanariar Uharteak
- Katalunian
- Madril
- Valentzia
Kaltetutako produktuen zerrenda: - Besitos de chocolate SINGLU (galletas de maíz exentas de gluten) Sorta: L-4211, lehentasunezko kontsumo data 04/2013 eta L-1331, lehentasunezko kontsumo data 09/2013
- Galletas tipo María bañadas con chocolate marca SINGLU sorta: L-713, lehentasunezko kontsumo data 07/2013, L-721, lehentasunezko kontsumo data 08/2013 eta L-1121, lehentasunezko kontsumo data09/2013.
Aurrekoari jarraiki, honako neurri hauek hartu dira: - Gertatutakoaren BERRI EMATEA autonomia-erkidegoetako agintaritza eskudunei, Elikaduraren Alerta Sare Nazionalaren (SCIRI) bidez.
- Elikagai eta Pentsuetarako Alerta Azkarreko Sistemaren (RASFF) bidez BERRIA EMATEA, produktua banatu den herrialdeei ere gertatutakoa azaltzeko.
- Proteina lakteoekiko alergia duten kontsumitzaileei produktuok ez kontsumitzea GOMENDATZEA, batik bat arestian aipatutako produktuak etxean badituzte.
Halaber, adierazi da produktu horiek kontsumitzeak ez dakarrela inolako arriskurik gainerako kontsumitzaileentzat. AESANeko jakinarazpena |
|
|
| 23/04/2013 · Iturria: AESAN |
AESANek jakinarazi du DIET RADISSON markako marrubi eta txokolatezko gaileta sorta batean, aitortu gabeko proteina lakteoa atzeman dela. Horren ondorioz, produktu horiek arazoa eragin dezakete, bakar-bakarrik, proteina horrekiko alergia duten pertsonetan. Tartean dauden produktuak honako erkidego hauetan saldu dira:- Euskal Herria
- Andaluzia
- Aragoi
- Balearrak
- Kanariar Uharteak
- Katalunian
- Gaztela eta Leon
- Galizia
- Madril
- Valentzia
Kaltetutako produktuen zerrenda: - Lote L-110513 lehentasunezko kontsumo data 11/05/13.
- Lote L-040713 lehentasunezko kontsumo data 04/07/13.
- Lote L-270913 lehentasunezko kontsumo data 27/09/13.
- Lote L-141213 lehentasunezko kontsumo data 14/12/13.
Aurrekoari jarraiki, honako neurri hauek hartu dira:- Gertatutakoaren BERRI EMATEA autonomia-erkidegoetako agintaritza eskudunei, Elikaduraren Alerta Sare Nazionalaren (SCIRI) bidez.
- Elikagai eta Pentsuetarako Alerta Azkarreko Sistemaren (RASFF) bidez BERRIA EMATEA, produktua banatu den herrialdeei ere gertatutakoa azaltzeko.
- Proteina lakteoekiko alergia duten kontsumitzaileei produktuok ez kontsumitzea GOMENDATZEA, batik bat arestian aipatutako produktuak etxean badituzte.
Halaber, adierazi da produktu horiek kontsumitzeak ez dakarrela inolako arriskurik gainerako kontsumitzaileentzat.AESANeko jakinarazpena |
|
|
| 17/04/2013 · Iturria: CE |
EFSAk eta Sendagaien Europako Agentziak (EMA) Europa osoan hartutako laginen datuak ezagutu ostean, txikitzat jo dute behi-haragi gisa iruzurrez etiketatutako zaldi-haragian fenilbutazonaren presentziaren arriskua. Horretarako, datu hauek hartu dituzte aintzat: - 30.000 pertsonatik 1ek izan ditzake ondorio kaltegarriak albaitaritza-sendagai honen aurrean.
- Europa osoan aztertutako laginen % 4,66k zaldi DNA zuen.
- Aztertutako zaldi-kanalen % 0,51 fenilbutazonarekin kutsatuta zeuden.
Aurreko datuok kontuan hartuta, pertsona batek fenilbutazona duen zaldi-haragia kontsumitu eta anemia aplasikoa izateko aukera txikia da, zehazki, bilioiko 2 kasutik 100 milioiko kasu batera bitartekoa. Europako Batzordearen prentsa-oharra: Zaldi-haragia eta Fenilbutazona
Europako Batzordearen web orria: Zaldi-haragia eta Fenilbutazona
EFSAren jakinarazpena |
|
|
|
|
Nekazaritzako Elikagaien Segurtasunerako
