elika Hemen zaude: Produkzio-sektoreak / Elikagaien industria / Higienea elika

Higienea

MALGUTASUNA KATALUNIAKO ELIKAGAI-ESTABLEZIMENDUETAN HIGIENE-BALDINTZAK APLIKATZEAN 14/10/08

Egile: ACSA

ACSAk esparru-dokumentu bat argitaratu du, eta bertan biltzen dira higiene-paketeetan ezarritako higiene-baldintzen malgutasun-aukera ezberdinak.Batzordeak aurretik argitaratutako dokumentu baten arabera, hiru aukera egon daitezke:

  1. higiene-paketearen aplikazio-eremuko hainbat jarduera baztertzea,
  2. ezarritako baldintzen salbuespenak ematea, eta
  3. ezarritako hainbat baldintzaren egokitzapenak ematea edo malgutzea.

852/2004 Araudiak eta 853/2004 Araudiak baztertu egiten dituzte aplikazio-eremutik honako elementu hauek:

  • etxeko erabilera pribaturako lehenengo mailako ekoizpena;
  • etxeko kontsumo pribaturako elikagaiak etxean prestatzea, manipulatzea eta biltegiratzea;
  • lehen mailako produktuen ekoizle txikiek azken kontsumitzaileei edo azken kontsumitzaileei saltzeko tokiko establezimenduei zuzenean hornitzea.
  • bilketa-zentroak edo elikagaien sektoreko enpresaren definizioan sartzen diren zurrategiak, gelatina edo kolagenoa egiteko lehengaiak erabiltzen direlako baino ez.

Ezarritako baldintzen salbuespenak emateari dagokionez, salbuespen horiek aurreikusita eta argi eta garbi adierazita daude honako adierazpen hauen bidez: “agintaritza eskudunak baimentzen badu”, “agintaritza eskudunaren baimenarekin” edo antzekoak.Honako hauek dira baimenik behar ez duten establezimenduak:

  • Euren jarduera lehen mailako ekoizpena besterik ez duten establezimenduak.
  • Garraio-jarduerak.
  • Tenperatura kontrolatua behar ez duten produktuen biltegiratzea.
  • Animalia-jatorriko produktuak hotzean biltegiratzea, betiere 853/2004 Araudiko III. Eranskinak kontserbazio-baldintzarik ezartzen ez badu.
  • Animalia-jatorriko elikagaiak manipulatzen dituzten establezimenduak, betiere, baldintza zehatzak aurreikusten ez badira (adibidez, eztia). •
  • Saltokiak

Azkenik, elikagaien gainerako establezimenduei dagokienez, dokumentuak jaso egiten ditu higiene-baldintzak egokitzeko edo malgutzeko irizpideak.Malgutasuna ikuspegi zabal baten bidez bideratzeko, dokumentu horretan sartu egin dira Arriskuen eta Kontrolgune Kritikoen Analisia (APPCC) sistema hainbat sektoretan eta zenbait kontzepturen aplikazioan malgutasunez aplikatzeko aukerak:

  • Malgutasuna metodo tradizionaletan, produktu tradizionaletan eta mugaketa geografikoan.
  • Malgutasuna animalia-jatorriko produktuen higiene-baldintzetan.
  • Malgutasuna Irizpide Mikrobiologikoei buruzko 2073/2005 Araudiaren aplikazioan.
  • Malgutasuna APPCCren aplikazioan.

Esparru-dokumentua:Malgutasuna Kataluniako elikagai-establezimenduetan higiene-baldintzak aplikatzean (katalanez) ACSA

LISTERIA MONOCYTOGENESA KONTSUMITZEKO PRESTA DAUDEN ELIKAGAIETAN: PREBALENTZIAREKIN LOTUTAKO FAKTOREAK - EFSA 2014

Egile: EFSA

EFSAk argitaratu berri duen azterlan honen xedea da L. monocytogenesaren prebalentzia zehaztea, hainbat faktoreri dagokionez, baita kontsumitzeko prest dauden arrain- eta haragi-produktuetan 100 UFC/g baino gehiago duten laginen ratioa ere.

 

Honako hauek dira emaitzak:

 

Arrainak

Berotan ketutako arrainen kutsatutako laginen kopurua askoz ere txikiagoa zen hotzean ketutakoena baino (laginak hartzean zein iraungitze-dataren amaieran).

 

Haragiak

Produktu “xerratuen” lagin kutsatuen kopurua 2,13 handiagoa zen “ez xerratuen” laginenak baino.

 

Gomendioak

Hotzean ketutako arrainak, patea, arrain ketu edo marinatu xerratuak, edo kontsumitzeko prest dauden haragi-produktuak, termikoki tratatuak, ekoizten dituzten elikagai-enpresek indartu egin beharko lituzkete ingurumen-laginketari buruzko neurriak mozte-prozesuko eremuan, euren produktuetan L. monocytogenesa modu eraginkorrean kontrolatzen dela bermatzeko.

 

Listeria monocytogenes in certain ready-to-eat foods in the EU: analysis of factors related to prevalence - EFSA

KUTSADURA GURUTZATUA HARAGIA PROZESATZEKO LERROETAN 14/06/13

Egile: FSA

Behi-hanburgesetan zaldi-haragia atzeman zuteneko ezbeharraren ondoren, FSAk, DEFRArekin batera, azterlan bat egin zuen jakiteko zein neurritan saihesten duten Fabrikatzeko Jardunbide Egokiek (BPF) prozesatzeko linea berean bi haragi-motaren ustekabeko kutsadura egotea.

 

Haragia xehatzeko prozesuak dakar arrisku gehien kutsadura gurutzatua aztertzean. Beraz, azterlanak prozesuaren etapa honetan hartu du oinarri.

 

Hona hemen azterlanaren ondorio nagusiak:

  1. Haragia xehatzeko makina eta produktu kimikoak edo presioko ura daramaten zintak garbitzea (Erresuma Batuko BPFn arabera) eragingarria da kutsadura mota hau saihesteko.
  2. Garbiketa hori lerro berean haragi-mota bat baino gehiago nahastu aurretik egin ezean, kutsadura altua da. Hartara, aintzat hartu dute ateratako haragiaren lehenengo 0,75 kg-ek nahasketa horren % 54 eta % 99 artean eduki dezaketela.
  3. Azterlana egiteko, esperimentuzko instalazio pilotu baten eta erabilgarri dagoen merkataritza-instalazio baten emaitzak aztertu ziren.Datuon bidez honako hau ondorioztatu zen: garbitzeko neurririk hartzen ez zenean, kutsadura zegoen; esperimentuzko instalazioan, 635 gramo 100 kg haragitan (% 0,65) eta merkataritza-instalazioan, berriz, 11,2 kg 200 kg haragitan (% 5,6).Ezberdintasun horiek erabilitako makina-moten ondorio dira (antzinatasuna, zailtasuna, neurria...).
  4. Badirudi produktu kimikoekin garbitzea dela kutsadurak saihesteko modurik eraginkorrena, nahiz eta presioko urarekin garbitzea ere eraginkortasun berdinekoa izan den erraz desmuntatzekoak diren eta beraz irisgarriagoak diren ekipoetan.
  5. Ekipoen garbiketa zehazteko, badirudi biderik egokiena dela ATP (Adenosíntrifosfato) bilatzeko analisiak egitea, kontuan hartuta horien kostua/eraginkortasuna.

 

A project to establishwhethercarry-over of meatspeciesoccurs in UK meatprocessingplantsduringthe GMP production of mincemeat - FSA

14 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.net
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.