GIDALIBURUA: HANDIZKAKO MERKATARITZAN GAUZATU BEHARREKO HIGIENE PRAKTIKA EGOKIAK
09/04/2010
Egile: WUWM
Gidaliburu hori Handizkako Merkataritzaren Munduko Elkarteak (WUWM) argitaratu du, eta handizkako merkataritzako administrazioei zuzenduta dago, batik bat animalia jatorriko elikagaiak saltzen dituztenei. Gidaliburuaren helburua da orientabidea eskaintzea Elikagaien Segurtasun eta higiene arloan. Orientabide horren oinarria da APPCC (Arriskuen eta Kontrolgune Kritikoen Analisia) prozedurak aplikatzea. Gidaliburua osatzeko aintzat hartu dira aplikatu beharreko araudiak honako arlo hauetan: - Elikagaien arloko legediaren printzipio eta baldintza nagusiak
- Kontrol ofizialak, erregistroak eta baimenak
- Establezimenduen erregistroa eta baimena
- Giza kontsumorako ez diren animalia azpiproduktuetan aplika daitezkeen osasun arauak
Zirriborroa gaztelaniaz
Behin betiko gidaliburua ingelesez
KAUSAL 2010: OSASUNA BABESTEKO AUTOKONTROLARI ETA KALTEGARRIAK EZ DIREN ELIKAGAIEI BURUZKO 4. NAZIOARTEKO BILTZARRA
22/03/2010
Egile: Departamento Sanidad y Consumo. Gobierno Vasco
Eusko Jaurlaritzako Osasun eta Kontsumo Sailak antolatu du Osasuna Babesteko autokontrolari eta kaltegarriak ez diren elikagaiei buruzko 4. Nazioarteko Biltzarra. Biltzar hori Bilbon (Euskalduna jauregia) egingo da 2010eko maiatzaren 5, 6 eta 7an. Honako hauek dira Biltzar horretan landuko diren gai nagusiak: - Elikagaien Segurtasun arloko ikuskaritzak.
- Malgutasuna. Aplikazioaren emaitzak.
- Elikagaien Segurtasun arloko prestakuntza.
- Elikagaien Segurtasuna nekazaritzako eta abeltzaintzako ekoizpenean.
- Arau pribatuak eta horien ekarpena Elikagaien Segurtasun arloan Biltzar hori benetako erreferentea da Autokontrol eta Elikagaien Segurtasun arloan.
Biltzar horretan, aurreko edizioetan bezalaxe, gaur egungo gaiak eta interesa duten gaiak landuko dituzte elikagaien kaltegabetasun arloan lan egiten duten profesionalek.
Kongresuaren web
PERRETXIKOEN ETA BOILURREN SEKTOREAN JARRAITU BEHARREKO HIGIENE PRAKTIKA EGOKIEN GIDALIBURUA, APPCC SISTEMAN OINARRITURIKOA
19/01/2010
Egile: ACSA
Perretxikoak eraldatzea eta perretxiko-kontserbak prestatzea arriskuak dituen jarduera da eta hainbat arrisku ditu, esaterako: espezie toxikoen eta ingurumen-kutsatzaileen presentzia edo kontserbetan bolutismo toxinaren sorrera eragin dezake. Eta hori aintzat hartu, aurreikusi eta kontrolatu egin behar da produktuak ekoiztean eta banatzean.
Honako hauek dira gidaliburu honen helburu nagusiak, besteak beste:
• Arautzea perretxikoak eta boilurrak merkaturatzeko eta eraldatzeko jarduera.
• Aukera ematea perretxikoak eta boilurrak eraldatzen eta merkaturatzen dituzten eragileei kontsumitzaileen osasunaren babes-maila egokia lortzeko.
• Diseinatzea sektorearen egoeraren azterketan oinarrituta dagoen proiektua, APPCC sistema ezartzeko eskuliburu generikoa izango dena. Horren ostean, eragile bakoitzak egokitu egin beharko du proiektua bere enpresara.
|
|
