Abere Osasuna

RIFT HARANEKO SUKARRA ESPAINIAN SARTZEA 13/05/15

Rift Haraneko Sukarra (RHS) Bunyaviridae familiako birus batek eragindako gaixotasuna da, eta eltxoen bidez transmititzen da. Nagusiki hausnarkariak eragiten ditu, izan etxekoak (behiak, ardiak, ahuntzak eta gamelidoak) zein basatiak (bufaloak, antilopeak, ñuak, etab.). Gizakiak ere kaltetu ahal ditu.

Gaur egun Afrikako ekialde eta hegoaldean dago hedatutabatik bat. 2000. urtean lehenengoz egiaztatu zen Afrikatik kanpo: Saudi Arabian, lehenengo, eta Yemenen, ondoren.

Mediterraneo arrotik hurbil dauden lurraldeetako geografian oso zabalduta egoteak gaixotasun arriskutsu bihurtzen du, Espainian sartzeko aukerei dagokienez.

Hain zuzen ere, gaixotasuna Espainian azkar atzemateko eta erantzun azkarra emateko informazio baliagarria izate aldera, gaixotasunaren arriskua aztertzeko metodologia baliagarriak proposatzeaz gain, Madrilgo Complutense Unibertsitateko VISAVETeko (Animalia Osasunaren Zaintzarako Zentroa) ikerketa-taldeko kideek eta Baliabide Zinegetikoen Ikerketa Institutuko (IREC) kideek azterlan bat egin dute, eta bertan identifikatu egin dituzte Espainiaren baitan gaixotasuna agertzeko aukera gehien dituzten eremuak.

Aipatutako azterlanaren arabera:

1. RHS agertzeko aukera gehien dituzten Espainiako eremuak hauek dira: Extremadura, Gaztelako hego-mendebala eta Leon, Galiziako ekialdea, Asturias, Kantabria, Euskal Herria, erdialde-iparraldea, Andaluzia hegoaldea eta Balear Uharteak.
2. Urria eta maiatza dira RHSren agerraldiak gertatzeko hilabete egokienak.

Azterlanaren datuak:

• Egileak: Fernando Sánchez-Vizcaíno, Beatriz Martínez-López, Jose Manuel Sánchez-Vizcaíno
• Izenburua: Identification of suitable areas for the occurrence of Rift Valley fever outbreaks in Spain using a multiple criteria decision framework
• DOI: http://dx.doi.org/10.1016/j.bbr.2011.03.031

Azterlana

Informazio interesgarria:

• Berrikuste bibliografikoa: Europan eta Mediterraneo arroko herrialdeetan RHSren bektoreen banaketa geografikoa - EFSA
• Gaixotasuna EBko Mediterraneo inguruko herrialdeetan sartu eta zabaltzeko arriskuari buruzko irizpena - EFSA
• Laburpen-fitxa: Rift Haraneko Sukarra - ELIKA

BEE DIAGNOSTIKATZEKO LAGINAK NOLA HARTU ETA NOLA IGORRI LABORATEGIRA 13/05/15

Algeteko Albaitaritza Laborategi Nagusiak eskuliburu bat egin du. Bertan, irizpide bateratuak ezartzen ditu, laginak hartu eta laborategira igortzeko; izan ere, erreferentziazko laborategi nazionala da EETentzat.

Eskuliburuko I. atalean laburbildu egiten dira EETen zaintzarako neurri aktibo eta pasiboak, hala behientzat nola ardi eta ahuntzentzat.

Eskuliburuko II. atalean deskribatu egiten dira laginak behar bezala hartu eta laborategira igortzeko jarraibideak:

1. Zaintza pasiboari dagokionez: ahal dela, entzefalo osoa ateratzea. Bestela, enbor entzefaliko osoa ateratzea, zerebeloa barne, eta lagina hoztuta (4º C) igortzea erreferentziazko laborategi nazionalera.
2. Zaintza aktiboari dagokionez: enbor entzefalikoa ateratzea, zerebeloa barne. Bertan ebaki longitudinal bat egitea, 2 zati simetriko lortzeko:

• Zatietako bat hoztuta igortzea, autonomia-erkidego bakoitzean baimendutako laborategian test bizkorrak eginez diagnostikatzeko. Erreferentziazko laborategi nazionalera igortzea zati horretako gainerako lagin zatia, betiere posible bada.
• Beste zatia erreferentziazko laborategi nazionalera hoztuta (4º C) eramatea, hauek egiteko: test azkarrak, egiaztatzeko western-blota, histologia eta immunohistokimikoa. Halaber, BEEaren zein Scrapiearen anduiak bereizteko teknikak erabiliko dira.

Erreferentziazko laborategi nazionalak gidaliburuan gogorarazten du egiaztatze- eta/edo bereizte-probak egin ahal izateko, egiaztapena OIEren teknika bidez egiteko gutxieneko kopurua 6 gramokoa dela. Ardien kasuan, hartutako lagin kopurua txikiagoa da, eta kopurua ahal beste hurbildu behar da eskatutako zenbatekora.

Eskuliburua

MAGRAMAko Erreferentziazko Laborategi Nazionalak

EBK BRUZELOSIARIK GABEKO EREMUTZAT JO DU EUSKAL HERRIA 13/04/26

EBk Euskal Herria behi-bruzelosiarik eta ardi- zein ahuntz- bruzelosiarik gabeko eskualdetzat jo du ofizialki.

Halaber, Balear Uharteak, Errioxa eta Murtzia eskualdea behi-bruzelosiarik gabeko eremutzat jo dira, eta honako autonomia erkidego hauek ardi- zein ahuntz-bruzelosiarik gabeko eremutzat: Kantabria, Gaztela eta Leon, eta Asturiasko Printzerria.

• EBren jakinarazpen ofiziala

Iaz, urte amaieran, MAGRAMAk EBri aurkeztu zizkion eskualde horiek behi-bruzelosiarik eta/edo ardi- zein ahuntz-bruzelosiarik gabeko eremutzat jotzeko espedienteak; izan ere, bete egiten zituzten Europar Batasuneko araudiak ezarritako betekizunak.

Jakinarazpen horiek gaixotasun horren aurka azken 20 urteotan egindako ahaleginaren emaitza dira (erauzteko programak aplikatu dira), eta adierazten dute etengabe egiten dela aurrera zoonosi garrantzitsu horiek erauzteko prozesuan.

• MAGRAMAren oharra