elika Hemen zaude: Produkzio-sektoreakAbeltzaintza/  Higienea eta Praktika Egokiak elika

Higienea eta Praktika Egokiak

BETEKIZUN BERRIAK OILASKO ETA UNTXIEN HILTEGIETAN 14/05/29

Egile: MAAMA

Maiatzaren 10etik aurrera, eskortako hegaztien eta lagomorfoen (erbiak eta untxiak) hiltegietako langileek laguntza eman dezakete kontrol ofizialetan. 340/2014 Errege Dekretua argitaratzearekin batera sartu dira indarrean Espainian aipatutako espezieen hiltegietan egiten diren kontrol ofizialetan laguntzeko araudi berriak. Arauak Europako legegintzaren aukera bat garatzen du, higiene-kontuetan; zehazki, estatu kideei eskumena ematen die, hiltegietako langileek kontrol ofizialetan laguntza eman dezaten, baldintza jakin batzuetan eta albaitari ofizialaren kontrolpean.


854/2004 Araudia, giza kontsumorako animalia-jatorriko produktuen kontrol ofizialak antolatzeko arau zehatzak ezartzen dituena, araupetu egiten ditu albaitari ofizialen eta laguntzaile ofizialen jarduera hiltegietan, eta estatu kideei eskumena ematen die, araudiak berak ezarritako baldintza zehatzei jarraikiz, azken horien zereginetako bat establezimendu horietako langileek egin dezaten, kontrol ofizialetan lagunduz.

Kontrol ofizialetan laguntzaile aritzeko, hiltegietako langileek bete beharreko baldintzak honako hauek dira:

 

  1. 854/2004 Araudiaren I. eranskinaren IV. kapituluaren III. atalean (hiltegietako laguntzaileei buruzko zatia) zehaztutako kontzeptu praktiko eta teorikoen araberako prestakuntza eta kualifikazioa izan behar dituzte; esate betarako, honako hauen inguruko prestakuntza izan behar dute: animalien gaixotasunak, abereak hazteko jardunbide egokiak, ustiategietako instalazioak, animalien karga eta deskarga, lege-xedapenak...
  2. Bertaratzen direnen prestakuntza egiaztatzeko, lanbide-heziketako agiria edo profesionaltasun-ziurtagiria behar da; bestela, agintaritza eskudunak onartutako agiri bat eduki beharko da, ahalbidetu egiten duena egiaztatzea araudiak ezarritako prestakuntza-betekizun guztiak betetzen direla. Egiaztagiri horrek lurralde nazional osoan balioko du.
  3. Laguntzaileen jarduerak albaitari ofizialak gainbegiratuko ditu; zehazki, ebaluazio-azterketak egingo ditu maiztasun jakin batekin, azterketa horien froga dokumentalak utzita.

Beste alde batetik, autonomia-erkidegoko agintaritza eskudunak (AE) xedapen hori baimen dezan, hiltegiek honako hauek egin behar dituzte:

 

  1. Agintaritza eskudunari jarduera-plan bat aurkeztea, APPCCak (Arriskuen eta kontrol-gune kritikoen analisia) aintzat hartuta.
  2. Gutxienez azken hamabi hilabeteetan 854/2004 Araudiak ezarritako higiene-jardunbide egokiak betetzea.
  3. APPCC sisteman oinarritutako sistemak ezartzea.
  4. Establezimenduaren historial bat aurkeztu, araudiak ezarritako betekizunak betetzeari dagokionez.
  5. Ekoizpen- eta ikuskaritza-erregistro fidagarriak izatea, sistemaren eraginkortasuna baloratu ahal izateko, ezarri baino lehen eta ondoren.
  6. Lantzen diren hildako animalia-, haragi- eta produktu-motak ezagutaraztea, eta eragin dezaketen arriskuaren inguruan egiten diren lanen berri ematea.
  7. Ezagutza teoriko espezializatuak izatea.


BETEKIZUN BERRIAK KATALUNIAKO ABELTZAINTZA-USTIATEGIETARAKO 14/04/03

Egile: Gobierno de Cataluña

Joan den martxoaren 27an argitaratu zuen Kataluniako Gobernuak 40/2014 Dekretua, abeltzaintza-ustiategi guztiek bete beharreko xedapen orokorrak ezartzen dituena. Apirilaren 17an sartuko da indarrean dekretua.

Gaur egun, arau asko daude abeltzaintza-ustiategiak arautzeko, eta horrek zaildu egiten du abeltzainek arau horiek ulertzea eta aplikatzea. Hori dela eta, xedapen honen helburu nagusia da, batetik, zehaztea zein betekizun bete behar dituzten abeltzaintza-ustiategiek eta, bestetik, abeltzaintza-ustiategien Erregistroa garatzea, modu argian eta prozedurak sinplifikatuz.


Dekretuak lehentasuna ematen dio biosegurtasun-neurriak ezartzeari, besteak beste honako hauek ezartzeari:

  • Abeltzaintza-ustiategien perimetroan itxitura jartzea (perimetroan hesia izan behar duten ustiategi guztiek bi urteko epea dute hori gauzatzeko. Salbuespen bakarra hausnarkarien ustiategiak dira, horiek hiru urteko epea baitute).
  • Neurriak hartzea animaliei gaixotasunak transmititu ahal dizkieten bektoreekiko kontaktuaren aurrean.
  • Ustiategiko bajak egoki kudeatzea.
  • Abeltzaintza-ustiategien kokapenaren baldintzak, biosegurtasuna bermatzeko oinarrizko printzipio gisa.

Erregistroei dagokienez, abeltzaintzarekin lotura duten operadoreen direktorioa osatu da.

Baimenei dagokienez:

  • Erraztu egin dira izapideak abeltzaintza-ustiategien erregistroan izena emateko, eta hainbat izapide mota ezarri dira instalazioko jardueraren arabera: baimen-izapidea eta komunikazio-izapidea.
  • Sailaren eskualdeko bulegoak gauzatuko du beti erregistroan izena ematea.

Informazio gehiago

HURBILEKO SALMENTA KATALUNIAN 13/10/17

Egile: DAAM

Lleidako Sant Miquel Nekazaritza Azokaren 59. edizioaren baitan, joan den irailaren 26an, jardunaldi bat egin zen hurbileko salmentari eta elikagaien segurtasunari buruz. Bertan aurkeztu zen Kataluniako Nekazaritzako elikagaien hurbileko salmentarako gida (oraindik ez da argitaratu, aitortza ofizialaren zain dago eta).


Hauek izan ziren jardunaldiko ponentziak:

  1. Hurbileko salmenta Katalunian - DAAM
  2. Zirkuitu laburrak Akitanian - l´AREPO
  3. Kontsumitzaileen ikuspegia - CUS Lleida
  4. Hurbileko salmentarako gida - Elikagaien Segurtasuneko Aholkularitza


Nekazaritzako elikagaien hurbileko salmentarako gidak erantzun egiten dio hurbileko salmentan aritzen diren nekazaritza-ekoizleen eskaera gero eta handiagoari. Horren bidez, araudi higieniko-sanitarioa aplikatzeko tresna bat ematen zaie, eta zehazki, Nekazaritzako elikagaien hurbileko salmenta akreditatzeari buruzko urtarrilaren 8ko 24/2013 Dekretuaren argitalpenaren ondorioz sortu da. Dekretu horren helburua da era horretako salmenta bultzatzea Katalunian, izan ekoizleak azken kontsumitzaileari zuzenean salduta, izan zirkuitu laburrean salduta.


Gida hau Nekazaritza, Abeltzaintza, Arrantza, Elikadura eta Natur ingurugiroa Sailaren (DAAM) eta Kataluniako Osasun Saileko Osasun Publikoko Agentziaren (ASPCAT) ekimen bateratua da.


Beste alde batetik, DAAMek gune bat sortu du bere web orrian, Kataluniako hurbileko salmentari buruzko informazio guztia jasotzeko:

 

5 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.net
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.