Deialdiak

EFSAk zerrenda bat osatu du laguntza zientifikoa eta teknikoa eskainiko dioten erakunde eskudunak biltzeko, 178/2002 Araudiak 36. artikuluan xedatutakoarekin bat. EFSAren betebeharra da erakunde horiei laguntzea bai datuak biltzen, bai eta zientzia-iritziak emateko aurreko lanak egiten ere. 2008ko abenduan ELIKA sartu zuen EFSAk zerrenda horretan.

EFSAk deialdi itxiak egiten dizkie zerrendako kideei, Elikagaien Segurtasun arloko ekintza-eremu jakinetan lan egiten duten erakundeen sarea sortzeko eta finantzatzeko.

Era-net SUSFOODen lehenengo deialdia 2013ko otsailaren 15ean ireki zen ERA-Net SUSFOODen bidez proiektuak finantzatzeko lehenengo deialdiaren proposamenak igortzeko epea, eta 2013ko maiatzaren 3an, 15:00etan, amaituko da proposamenak aurkezteko epea.

Partzuergoek eta ikerketa-proiektuek, gutxienez, hautatutako hiru gai (topics) hauetako baten ingurukoak izan behar dute:

• Baliabide (inputak), hondakin eta isurien gaineko estrategiak hobetzea, eraginkortasuna hobetzeko, elikagaiei balio erantsia emateko eta elikagaien ekoizpena eta/edo elikakatean zehar baliatzen diren baliabideen (energia, ura) erabilera optimizatzeko.
• Elikagaiak eta elikadura-produktuak prozesatzeko teknologiak berritzea, elikakate iraunkorra lortzeko.
• Kontsumitzaileen jokamoldea ulertzea, elikagaien hautatze iraunkorra(goa) lortzeko.

Era-net-SUSFOODen webgunean aurki daiteke informazio zehatzagoa deialdiaren gai, betekizun eta baldintzei, parte hartzen duten herrialde eta eskualdeei, egutegiari eta aurrekontuari buruz. Halaber, identifikatu egiten dira informazio gehiago eskatzeko kontaktu nazionalak.

Beste alde batetik, on-line sistema aurkezten da, aurre-proposamenak igortzeko. ONLINE SUBMISSION SYSTEM

FSAk Ebidentziaren Urteko Plana argitaratu du, eta bertan sartu ditu 2013/1024an ikerketa-proiektuak eginez finantzatu beharreko lehentasunezko arloak. Proiektu horien emaitzek bete egingo dituzte Elikagaien Segurtasunaren arloan etorkizuneko ikerketa-beharrak. Horiek Zientzia eta Ebidentziaren Plan Estrategikoan bilduta daude. 2009ko abenduan argitaratu zuten Plan hori eta 2011ko martxoan eguneratu zen.

Proposatutako ekintzak sei multzotan banakatu dira:

1. Elikagaien segurtasun mikrobiologikoa: Campylobacter, E. coli, Listeria, norobirusak…
2. Elikagaien segurtasun kimikoa: kutsatzaile organikoak eta ez-organikoak, alergiak eta intolerantziak…
3. Arriskuetan oinarritutako betetze eta aplikatze eraginkorra.
4. Elikagaien kutsadura gurutzatua.
5. Elikagaien eta pentsuen higiene-politika.
6. Dietarekin eta osasunarekin lotutako ikerketa.

Plan honetatik sortzen diren ikerketa-arloko deialdiak aurki argitaratuko dituzte honako web orri honetan: https://fsa-esourcing.eurodyn.com/epps/home.do

FSAren 2013/2914 txostena

Zientzia-lehentasunak Estrategikoa 2012-2015 http://webarchive.nationalarchives.gov.uk/20120206100416/http://food.gov.uk/aboutus/publications/busreps/strategicplan/

Elikak Elikagaien Segurtasunak bere baitan hartzen dituen arloetako Adituen Datu-basea gehitzeko posibilitatea eskaintzen du. Helburua da egunen batean, gai ezberdinen inguruan, Euskadiko Elikaduraren Segurtasunaren Zientzia Batzordeari laguntza emateko Aditu Taldeak ad hoc eratzeko behar diren adituak identifikatzea.

Irizpideak eta gehitzeko formularioa

Elikagaien Segurtasunerako Agentzia Britainiarrak (FSA) bere Urteko Ebidentzia Plana argitaratu du. Bertan jaso dira 2012/2013an finantzatu behar diren lehentasunezko arloak. Horiek finantzatzeko, ikerketa-proiektuak eta lan-tailerrak garatuko dira. Planak Elikagaien Segurtasuneko Agentzia Britainiarraren 2010-2015erako Ikerketa Estrategia du oinarri.

Proposatutako ekintzak 5 taldetan banatu dira:

• Elikagaien segurtasun mikrobiologikoa: Campylobacter, E. coli, Listeria eta Norobirusa.
• Elikagaien segurtasun kimikoa: metalak eta kutsagarri organikoak.
• Elikagaiei buruzko legeak: inportatutako elikagaiak, elikagaien segurtasun-arloa kudeatzeko sistemak, etab.
• Zenbait gai; hala nola, elikagaien azterketa, etorkizunean okelean egingo diren kontrolak, etab.
• Dietarekin eta osasunarekin lotutako lanak.

Espero da datozen asteetan egitea Planetik sortzen diren ikerketa-deialdiak.

Informazio gehiago

Elikagaien Segurtasuneko Britainiako Agentziak (FSA) Urteko Ebidentzia Plana argitaratu berri du. Bertan, 2011. urtean finantzatu behar diren lehentasunezko arloak biltzen dira. Horiek finantzatzeko, ikerketa proiektuak eta lan tailerrak garatuko dira. Plana egiteko, Zientzia eta Ebidentzia Plan Estrategikoan (2010-2015) zehaztutako lehentasun prozesuari jarraitu diote.

Plan horren helburuak hiru dira:

• Informazioa ematea FSAren alde interesdunei (elikagaietako industriak, lehen sektorea, banaketa enpresak, eta abar), gomendatutako lehentasunak ezagutu eta bideratzen lagun dezaten edo behar berriak plantea ditzaten.
• Beste finantza-agente batzuen (publiko eta/edo pribatuak) arreta erakartzea, ezarritako beharretan edo beste batzuetan laguntza jasotzeko.
• Iradokizunak eta ekarpenak biltzea, Britainiako Agentziak planteatzen dituen zientzia erronkei hobekien heltzeko moduari buruz. 58 ikerketa lehentasun zehaztu dituzte.

Horietatik, segurtasun mikrobiologikoari dagokionez, honako hauek dira azpimarragarriak: Listeriaren intzidentzia prestatutako elikagaietan, norobirusak eta E.coli itsaskietan, eta Campylobacterren arriskuaren kudeaketa. Kutsatzaile kimikoei dagokienez, berriz, honako hauek aipa daitezke: akrilamida eta furano maila elikagaietan, alkaloide maila laboreetan, landare-osasunerako produktuekiko metatze-esposizioa, berunaren kutsadura ardi-aziendan eta oilaskoetan eta Dieta Totalari buruzko azterlanak.

Aurreikusita dago datozen asteetan egingo direla Planeko ikerketetarako deialdiak.

FSAren Zientzia eta Ebidentzia Plana 2011

11/2001 Legearen arabera, honako hau da AESANen zeregina: “Lankidetza eta koordinazioa erraztu eta sustatuko du herri administrazio eskudunen artean, bai eta Elikagaien Segurtasunarekin lotutako erakundeekin ere. Halaber, nazio mailako erreferentziazko zentroa izango da elikagaien arriskuen balioespen arloan”.

Hori dela eta, zenbait ikerketa-ildo lehenetsi ditu, aintzat har daitezen Ikerketa Plan Nazionaletan. Plan horien helburua da gure herrialdean elikagaien segurtasun arloko ikerketak bideratzea. Ikerketok arlo hauetan sailkatzen dira: Arriskuak antzematea eta karakterizatzea; Nutrizioa eta Osasuna; Alderdi teknologikoak; Arriskuak Balioestea; Arriskuak Kudeatzea, eta Arriskuak Jakinaraztea.

Elikagaien Segurtasuna Lehentasunezko Ikerketa-Ildoak 2010