elika Hemen zaude: Produkzio-sektoreak /  Animalien elikadura  /  Beste batzuk elika

Beste batzuk

SANDACHEN INGURUKO IKUSKARITZEN EMAITZAK KATALUNIAN 14/04/08

Egile: ACSA

Elikagaien Segurtasunerako Kataluniako Agentziak (ACSA) argitaratu duen txosten batean adierazten dira gizakiek ez kontsumitzeko animalia jatorriko azpiproduktuen zaintzaren eta kontrolaren emaitzak (SANDACH), 2012koak eta Kataluniari dagozkionak.

Ikuskaritza-jarduerak honako operatzaile hauen inguruan egin dira:

  • Abeltzaintza-ustiategiak
  • Elikadura-enpresak
  • Garraiobideak
  • SANDACHekin jarduten duten plantak eta enpresak

Halaber, txostenak azaltzen ditu komunitateen artean eginiko SANDACH trukeen, esportazioen eta inportazioen inguruko kontrolen emaitzak.

SANDACHen zaintza- eta kontrol-jardueren helburua da bermatzea SANDACHak ezarri beharreko araudiarekin bat etorriz biltzen, garraiatzen, biltegiratzen, identifikatzen, manipulatzen, desagerrarazten eta merkaturatzen direla. Halaber, horiek elikakatean berriz sartu ahal izatea saihestu nahi da.

Katalunian, SANDACHen inguruko eskumenak Nekazaritza, Abeltzaintza, Arrantza, Elikadura eta Ingurumena Sailak (DAAM) eta Hondakinen Kataluniako Agentziak (ARC) partekatzen dituzte, bat etorriz Gizakiek ez kontsumitzeko animalia jatorriko azpiproduktuen arloan zereginak banatzeari buruzko 15/2010 Dekretuarekin.

Txostena: SANDACHen zaintza 2012an Katalunian (katalanez)

NEKAZARITZAKO ELIKAGAIEN (ELIKAGAIAK ETA PENTSUAK) KRISIAK KUDEATZEKO KODEA (GTP) 14/03/25

Egile: COCERAL

Elikagaien eta pentsuen segurtasuna lehentasun handi bihurtu da munduan. Elikagaiekin edo pentsuekin lan egiten duen establezimendu batean gertatzen den ezbeharrak ondorio txarrak izan ditzake gizakien eta animalien elikakatean; beraz, elikagaien/pentsuen kaltegabetasuna bermatzen dela egiaztatzea aldez aurretik bete beharreko oinarrizko baldintza bihurtu da nekazaritzako elikagaien salerosketan.

Horretarako, krisi-egoeren aurrean prest egotea eta erantzun egokia ematea elementu garrantzitsua da, pentsuen eta elikagaien segurtasunari dagokionez.

Hain zuzen ere, helburu horretarako, COCERAL Y COGECAk bultzatutako Jardunbide Egokien Kodeak (GTP Code)atal bat sortu du, eta bertan, alerta goiztiarreko sistema deskribatzen da.

Dokumentu horretan jasotzen dira elikagaien eta/edo pentsuen segurtasun-ezbeharren bat gertatzean neurriak hartzeko eta komunikazio-lanak egiteko oinarrizko jardun-lerroak.

Crisis Management System

PENTSUEN KONTROL OFIZIALAK HOBETZEKO PUNTUAK 13/04/04

Egile: CE

Europako Batzordeko DG SANCO txosten bat argitaratu du. Txosten horretan laburbiltzen dira Elikagai eta Albaitaritza Bulegoak estatu kideetan 2006. eta 2011. urteen artean egindako ikuskapenak, pentsuen kaltegabetasun arloan.

Ikuskapen horien xede nagusia da 882/2004 (EE) Araudian eta 183/2005 (EE) Araudian ezarritako betekizunak betetzen diren balioestea; bai eta beste elikagai batzuei buruzko legedian ezarritakoak ere, bereziki 1831 / 2003 (EE) Araudian, 2002/32/CE Zuzentarauan eta 767/2009 (EE) Araudian ezarritakoak.

Honako hauek dira ondorio nagusiak:

  • Pentsuen sektorean kontrol ofizialez arduratuko diren agintari eskudunak izendatzeari eta eskura dituzten baliabideei (laborategiak barne) buruzko betekizunak egoki betetzen dira. Nolanahi ere, gabeziak atzeman dira agintari eskudunen arteko lankidetzari eta koordinazioari dagokionez, pentsuen sektoreko katean zehar. Halaber, hainbat hutsune atzeman dira ikuskatzaileen prestakuntzan, batik bat, APPCCekin eta kutsadura gurutzatuarekin lotutako arloan. Azkenik FVOK ikusi du beti ez dela egiaztatzen kontrol ofizialen eraginkortasuna, horien helburuaren arabera.
  • Estatu kide gehienak modu erregularrean eta agirien bidez egiaztatzen dute pentsuen ekoizpen-kate osoa hartzen duten kontrol ofizialak gauzatu dituztela. Era berean, kontrol ofizialek gauzatzen dituzten ikuskapen eta lagin-hartzeak arriskuen balioespen egokian daude oinarrituta, nahiz eta batzuetan, eta herrialde askotan, ez den aintzat hartzen operatzaileek beraiek egindako autokontrolen fidagarritasuna.
  • Estatu kide ugarik ez dituzte behar bezala betetzen inportatutako lehengai eta pentsuetan egindako kontrolak, batik bat, arrisku handiagoa duten elikagaietan egindako kontrolari dagokionez.
  • Estatu kide gehienek betetzen dituzte euren betebeharrak operatzaileek legedia aplikatzen dutela egiaztatzeko. Operatzaileak onetsi eta baimentzeko prozedurak, oro har, egokiak dira; baina, badira hutsuneak operatzaileen erregistroaren egoerari dagokionez (kasu batzuetan ez da betetzen). Gainera, badira zenbait bat ez etortze onetsitako/erregistratutako operatzaileen zerrendetan.
  • Azpiegiturekin, higiene-baldintzekin eta trazabilitatearekin zerikusia duten betekizunak oso modu egokian betetzen dituzte operatzaileek. Hala ere, hainbat estatu kidetan urriak dira kutsadura gurutzatua ekiditeko eta APPCC sistemetan oinarritutako neurriak, eta arlo horietako kontrol ofiziala oso eskasa da.
  • Azkenik, antibiotikoak eta kokzidiostatikoak zein histomonostatikoak gehigarri gisa erabiltzeari buruzko betekizunak eta substantzia kaltegarrien kontrolari buruzkoak oso modu egokian betetzen dira, nahi eta hutsuneren bat badagoen. Jomuga ez diren animalia espezientzako pentsuetan kokzidiostatikoen eta ontziratzea debekatutako materialen hondakinen ez legezko mugekin lotutako betekizunak ez dira behar bezala betetzen.

Txostena: FVOren ikuskapenak 2006-2011

8 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.net
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.