elika Hemen zaude: Produkzio-sektoreak /  Nekazaritza  /  Trazabilitatea elika

Trazabilitatea

EKOIZPEN EKOLOGIKOA ETA ETIKETA: ESPAINIAKO GAUR EGUNGO EGOERARI BURUZKO TXOSTENA 14/09/26

Egile: FVO

Oro har, Espainian Kontrol Sistema egokia ezarri da, agintari eskudunak izendatu dira eta egin beharreko betekizunak argi banatuta daude tartean dauden kontrol-agintaritza eta -organismoen artean.

 

Horixe da, hain zuzen ere, FVOk Andaluzia eta Valentzia bisitatu ostean, Estatuaren inguruan egindako txostenaren ondorioetako bat; izan ere, bi autonomia-erkidego horiek hautatu zituzten, produktu ekologikoak kontrolatzeko Espainian ezarritako sistema ebaluatze aldera.

 

Besteak beste, txosteneko ondorio hauek azpimarratu nahi ditugu…

 

Gune sendoak

  • Agintaritza eskudunen eta kontrol-agintaritzaren arteko koordinazioa egokia da.
  • Kontrol-organismoak EN 45011 arauaren arabera daude egiaztatuta, eta agintaritza eskudunek onetsi dituzte.
  • Barneko ikuskaritzak erregularki egiten dira.
  • Badago produktu ekologikoen inportazioa kontrolatzeko sistema.

 

Ahulguneak eta hobetu beharreko arloak

  • Produktu ekologikoen inportazioen inguruan egindako kontrola urritu egin da; izan ere, inportatzaile guztiek ez dute aldez aurretik ematen inportazioen berri, eta, ondorioz, agintaritza eskudunak ezin du ziurtatu ikuskatze-agiria.
  • Bisitatutako autonomia-erkidegoetan txikizkariei (azken kontsumitzaileari saltzea) ez zaie kontrolik egiten edo inoiz gutxitan egiten zaie.
  • Produktu horien operatzaileen zerrendan dokumentazioa ez dago eguneratuta.

 

Final report of an audit carried out in Spain in order to evaluate the control systems for organic production and labelling of Organic Products – CE

ETIKETATZE-SISTEMA, TOKIKO NEKAZARITZARAKO ETA ZUZENEKO SALMENTARAKO 14/02/05)

Egile: Comisión Europea

Hurbileko produktuak erosteko/saltzeko eskaera (banaketa-kate laburrak) handitzen ari da, eta beharrezkoa da etiketatze-arau komun batzuk ezartzea, produktu horiek identifikatzeko.

Batzordeak adituen aholkularitza eskatu zuen, dauden aukerak aztertzeko eta etiketatze-sistema bat sortzeko. Bada, adituen arabera, sistema horrek honako ezaugarri hauek izan beharko lituzke:

  • hautazkoa izatea ekoizleentzat;
  • ziurtagiriak eta egiaztagiriak egiteko prozedurak saihestea, luzetzat eta kostu handikotzat jotzen baitira;
  • zenbait irizpide argi ezartzea, produktuak sisteman sartu ahal izateko.

Ziurtagiri-erregimen independente baten alternatiba gisa, hautazko kalitate-izendapen bat ezar liteke, honako abantaila hauek ematen dituena:

  • tresna erraza dira, administrazio- eta aurrekontu-karga erlatiboki txikia duena, eta kontrol-eskakizun gutxi duena;
  • babesa eman dezakete erabilera txarren eta jardunbide nahasgarri edo iruzurrekoen aurrean;
  • atea irekitzen diete EBko beste babes-mekanismo batzuei; zehazki, landa-garapenaren baitako laguntzei.

"Zuzeneko salmentak" izendapena erabiltzen da nekazariak kontsumitzaileari zuzenean saltzen dionean, bitartekaririk gabe. Etiketetan adierazitako informazioa baliagarri izan daiteke zuzeneko komunikazio hori ordezkatzeko, komunikazio hori posible ez den kasuetan.

Etiketatzea: zuzeneko salmenta - Europako Batzordea

TRAZABILITATEA LANDARE KIMUEN EKOIZPENEAN 13/03/13

Egile: CE

Batzordeak 208/2013 Araudia argitaratu du, 2013ko martxoaren 11koa, kimuen eta kimuak ekoizteko hazien trazabilitatearen gaineko betekizunei buruzkoa. Araudia 2013ko uztailaren 1ean sartuko da indarrean.

Araudi hori argitaratu da 2011ko maiatzean Europar Batasuneko zenbait elikagai Escherichia coli bidez (Shiga toxinak ekoizten ditu) kutsatu zirelako. Kimuen ekoizpen-baldintzek arrisku handia ekar dezakete osasun publikorako; izan ere, elikagaien agente patogenoak nabarmen ugaltzea ekar dezakete.

Hori dela eta, funtsezkoa da arin zehaztea kaltetutako merkantzien jatorria, mugatze aldera kutsadura horrek osasun publikoan izan ditzakeen ondorioak.

Araudiaren arabera, honako hau da operatzaileak ekoizpen-, eraldatze- eta banatze-aro guztietan erregistratu eta transmititu behar duen informazioa:

a) Hazi edo kimuen deskribapen zehatza, landarearen izendapen taxonomikoa jasotzen duena.
b) Hornitutako hazi edo kimuen bolumena edo kopurua.
c) Hazi edo kimuak elikagaien enpresako beste ustiatzaile batek igorri baditu, honako hauen izena eta helbidea:
i) hazi edo kimuak igorri dituen elikagaien enpresako ustiatzailearena
ii) igorlearena (jabea), baldin eta hazi edo kimuak igorri dituen elikagaien enpresako ustiatzailea ez bada;
d) Hazi edo kimuak jasotzen dituen elikagaien enpresako ustiatzailearen izena eta helbidea;
e) hartzailearen (jabea) izena eta helbidea, baldin eta hazi edo kimuak jasotzen dituen elikagaien enpresako ustiatzailea ez bada;
f) sortaren identifikazio-erreferentzia, hala badagokio;
g) igortze-data.

208/2013 Araudia

3 orrialdetatik 1.a   Hurrengoa >>
ELIKA . Granja Modelo, z/g . 01192 . Arkaute (Araba) . Telefonoa: 945 122 170 . Faxa: 945 122 171 . berri@elika.net
RSS iturria
WEB orri honek ez du besteren publizitaterik eta ez du jasotzen publizitatetik eratorritako finantzaziorik.
Diseño web Vitoria

Gure eta hirugarrenen cookieak erabiltzen ditugu, erabiltzaileen nabigazioa aztertzeko.

Bada, nabigatzen jarraitzen baduzu, cookieen erabilera onartzen duzula ulertuko dugu. Konfigurazioa aldatzeko edo informazio gehiago lortzeko jo hona.