Higienea

GIDA: NEKAZARITZAKO JARDUNBIDE EGOKIAK OLIBA-EKOIZLEENTZAT 12/01/04

Olioaren sektoreko zenbait erakundek eta ACSAk Nekazaritzako Jardunbide Egokien Gida (GBPA) sortu dute. Xedea da oliba-ekoizleei autokontrolerako neurriak ezartzea erraztuko dien lanabesa ematea.

“Nekazaritzako jardunbide egokien gida oliba-ekoizleentzat” delakoak lan-arauak zehazten ditu GlobalGAP irizpideei jarraiki. GlobalGAP kalitate-estandarra da, borondatezko arauak ezartzen dituena honako hauek oinarritzat hartuta: Elikagaien segurtasuna, Ingurumenaren babesa, Osasuna eta lanbide-segurtasuna eta ongizatea.

Gida ez da arauemailea, baina olioaren sektorearentzat dokumentu orientagarriaren funtzioa betetzen du.

Nekazaritzako jardunbide egokien gida oliba-ekoizleentzat

NEKAZARITZAKO PRAKTIKA EGOKIEN GIDALIBURUA MAHASTIZAINTZA USTIAGIETARAKO -ACSA-2010

Gidaliburu horren helburua da, batetik, mahastizaintza ustiategietan egin beharreko autokontrolak gauzatzen laguntzea, eta, bestetik, mahastizainei lanabesa eskaintzea, elikagaien segurtasunarekin lotutako baldintzak errazago aplika ditzaten.

Dokumentua Kataluniako mahastizaintza sektoreak osatu eta Kataluniako Mahastizaintza eta Ardogintza Institutuak (INCAVI) koordinatu du.

Mahastizaintza ustiagietarako gida

NEKAZARITZA ARLOAN, PRAKTIKA EGOKIAK IZATEKO OINARRI OROKORRAK (FAO)

Elikadura eta Nekazaritzarako Nazio Batuen Erakundeak (FAO) horrela definitu ditu Praktika egokiak nekazaritza arloan (BPA): nekazaritza-ustiategietako ekoizpen prozesuetan, jasangarritasun mailari eusteko praktikak dira bai ingurumen esparruan, bai ekonomia arloan, bai eta giza mailan ere. Horrela, bermatu ahal izango dugu, alde batetik, elikagaiak eta elikatzeko ez diren produktuak kalitatezkoak izango direla; eta bestetik, ez direla kaltegarriak izango. Ildo horretatik, BPAei buruzko oinarri orokorrak bildu dituzte dokumentu batean: BPAetarako elaborazio markoa izeneko dokumentuan, hain zuzen. Dokumentuak hamar jarduera-esparru ditu zehaztuta, eta horietako bat da Kultiboak eta belar-bazka ekoiztea deritzona. Informazio gehiago izateko, egin ezazu klik honako esteka honetan