IZOZTEA, DESIZOZTEA ETA BERRIZ BEROTZEA

Gogora ezazu: hozkailuan sartu duzun lehenengo elikagaia atera behar duzu lehenik. Elikagaiak hozkailuan sartzean, sar itzazu erosi berriak hozkailuan zeuden elikagaien atzealdean. Horrela, elikagaiak alferrik galtzea eta iraungitze-data gainditzea ekidingo duzu.

IZOZTEA

Izozkailu baten hotz-maila izarren bidez neurtzen da: zenbat eta izar gehiago izan, orduan eta tenperatura hotzagoa lortuko du izozkailuak. Tenperaturak beti izan beharko du -18ºC-koa gutxienez.

IZOZTEKO AHOLKUAK

• Hozkailuek ez bezala, izozkailuek hobeto funtzionatzen dute beteta badaude eta elikagaien artean tarterik ez badago.
• Ez da gomendagarria janari beroa sartzea izozkailuan; izan ere, gastu elektrikoa igoarazi egiten du eta kalteak eragin ditzake gainerako elikagaietan. Kuzinatu eta gero, izozkailutik kanpo utzi behar dira ordubete baino gutxiago.
• Janariak izozteko, erabil itzazu estalkia duten ontziak (elikagaiak gordetzeko eta izozteko egokiak) edo izozteko poltsak.
• Saia zaitez elikagaiak kopuru egokiko poltsa edo ontzietan izozten. Banatu ezazu janaria etxeko kide-kopuruaren arabera. Horrela ez dugu gehiegi desizoztuko, gerora ezingo baituzu berriro izoztu.
• Ziurtatu ezazu, kuzinatu aurretik, elikagaiak erabat desizoztu direla. Ez izoztu berriz desizoztuta dagoen janaririk.

DESIZOZTEA

• Gomendagarria da elikagaiak hozkailuan desizoztea, baina kontu handiz egin behar duzu. Saihestu egin behar da desizoztu beharreko elikagaiak azpialdeko apaletako elikagaien gainean ura isurtzea. Horretarako, ontzi garbi eta iragazgaitzean jarri behar duzu janaria, isuriak eta beste elikagaien kutsadura ekiditeko.
• Ezin da berriz izoztu partzialki edo erabat desizoztutako janaririk.
• Ezin dira berriro erabili izozteko poltsak edo plastikoak.
• Desizoztu ondoren, etiketatuan jartzen duen epean kontsumitu behar da.

BERRIZ BEROTZEA

Elikagaiak ondo kuzinatu behar dira kanpoaldetik zein barrualdetik; izan ere, kanpoaldetik erre egin daitezke barrutik batere berotu gabe.

Barrualdeko tenperaturak gutxienez 70ºC-koa izan behar du elikagaia ondo kuzinatu dela egiaztatzeko.

Mikrouhin labea ongi erabiltzeko aholkuak.

TAULA: OHIKO HUTSEGITEAK ETA HORIEK EKIDITEKO NEURRIAK

ELIKAGAIEN SEGURTASUNARI DAGOKIONEZ, ETXEETAN EGITEN DIREN OHIKO HUTSEGITEAK	HUTSEGITEAK ALDEZ AURRETIK EKIDITEKO OINARRIZKO NEURRIAK
Gutxiegi hoztea	Eduki janaria hotzean edo izoztuta kontsumitu bitartean
Higiene eskasa, oro har	Garbitu eskuak maiz
Gaixotutako pertsona baten bidezko kutsadura	Saihestu gaixorik dauden pertsonek elikagaiak uki ditzaten
Gutxiegi berotzea	Jarraiki ontzietako eta errezetetako gomendioei, bai denborari bai tenperaturari dagokienez
Kutsatutako tresnak erabiltzea	Ongi garbitu gainaldeak, eta garbitu tresnak erabili ondoren
Elikagaiak euren arteko kontaktuaren bidez kutsatzea	Gorde elikagaiak bereizirik
Askoz ere lehenago prestatzea	Kontsumitu elikagaia prestatu edo berriz berotu bezain laster

(EUFICen informazio-txostenetik ateratako oharrak: “From Farm to Fok”.)
Fellows, PJ. Food Processing Technology - Principles and Practice. 2nd Edition. Woodhead, London, 2000.